Gaindegia - Hemeroteka

Ibarretxe: 'Small is beautiful… and powerful'

Mon, 12 Dec 2011 14:22:25 +0100

...Esandakotik eratortzen da Euskadi, Europar Batasuneko estatu kideek duten dependentzia-independentzia maila bera izanik, guztiz bideragarria dela herrialde gisa, eta, nire iritziz, gomendagarria ere bai. Izan ere, argi eta garbi hitz egin dezagun, Europak gaur duen egituraren barruan euskal nortasuna defendatzea, gure ekonomia, gure seme-alaben ongizatea defendatzea da, mundu globalizatu honetan zilegia den nazio-proiektua defendatzea baino areago. Azken batean, nahitaezkoa da euskal nortasuna defendatzea euskal herriaren «Giza Garapen Iraunkorrean» aurrera egin nahi badugu. Irakurri Juan Jose Ibarretxe Lehendakari ohia eta Ekonomialaria eta EHUko Doktorearen iritzi artikulua BERRIA egunkarian.

Euskal Herrian bizi den 4tik 3 euskal lurraldean jaio da

Wed, 30 Nov 2011 09:05:40 +0100

Oraintsu kaleratu berri du Ikuspegik Araba, Bizkai eta Gipuzkoako Immigrazioaren 2010eko urteko txostena. Datuen arabera, azken bost urtetan lehenengo aldiz etorkinen kopurua jaitsi egin da. Hegoaldean, etorkinaren perfila emakumezko latinoamerikarra da (behar batzuk osatzera datorrena). Iparraldean, aldiz, etorkinaren perfila desberdina da: sexuaren arabera %51,7 gizonezkoa da eta %48,3 emakumezkoa eta adinaren arabera ez da Hegoaldera etorritakoaren besteko gaztea. Irakurri Xabier Aierdik eginiko analisia Gaindegia Txostenerako Euskal Herriko immigrazioaren inguruan, 41. orrialdetik aurrera.

Mugaz gaindiko bilakaera ekonomikoa aztertzen trenaren bitartez

Mon, 28 Nov 2011 09:25:07 +0100

Tren garraioaren bilakaera aztertzeko behatokia sortu dute hiru elkargok Akizetik Hendaia bitarteko tren zirkulaziori erreparatu xedez. Zirkulazioaz gain lurralde desberdinen datu ekonomikoak aztertuko dituzte. Irakurri albistea kazeta.info agerkarian.

Lurrama azoka azaroaren 4an hasita

Fri, 07 Oct 2011 15:22:07 +0200

Euskal Herriko Laborantza ganbarak antolatutako laborantza herrikoi eta iraunkorreko azoka azaroaren 4tik 6ra bitartean iragango da Biarritzen. Ba ote da laborarien beharrik? galdera hori izango dute abiapuntu Lurraman biltzen diren guztiek.

Lurralde antolamenduaz

Mon, 03 Oct 2011 17:02:44 +0200

Euskal Herriko lurralde antolamenduaz hainbat dokumentu sortu da. Antxon Lafont doktoreak bere tesia hain zuzen gai horretan oinarritzen du: Lurralde antolamenduaren epistemologia. Ikuspegi geopolitikotik. Aldiz, badira, intereseko beste dokumentu batzuk eskuragarri. UEUk kaleratutako lana 2010ean Lurralde antolamendua Euskal Herrian: gaur egungo egoera, gatazkak eta erronkak eta Gaindegiako bazkideek gogoeta saio batean sorturiko dokumentua.

Euskal Aurrezki Kutxak eta bankarizazioa

Tue, 23 Aug 2011 12:41:50 +0200

Araba, Bizkai eta Gipuzkoako aurrezki kutxek, Vital Kutxa, BBK eta Gipuzkoako Kutxako administrazio kontseiluko kideen gehiengoa banka-erakunde bihurtzeko aldeko iritzia azaldu zuten pasa den ekainean. Prozesua argitzeko asmotan Zu Zeu-n gaiaren inguruko iturri desberdinetako informazioa bildu dute. Era berean, BERRIA egunkarian, Guzman Ruiz Garrok, Kontseilari orokorra BBK-ko Batzarrean, bere iritzia azaltzen du.

Euskal sektore industrialari bultzada

Wed, 27 Jul 2011 09:25:32 +0200

2011eko lehenengo hiruhilekoan euskal industria sektorearen egoera indartu da lurralde guztietan. Iparralden Inplantazio Poloen ekimenaren bitartez, 10 urteko epealdian lurraldean bertan 1800 lanpostu sortu ditu eta urteko lehenengo seihilekoan 6 enpresa berri sortu dira. Eusko Ganberak argitaratutako azken buletinean azpimarratzen da Araba, Bizkai eta Gipuzkoak 2009ko hazkunde negatiboaren ostean 2011n azken bi urtetako hazkunde positiboena jazo duela, batez ere, kanpo merkatuen erantzunarengatik. Nafarroa Garaian, %2,1eko aldakuntza izan da ekoizpen industrialean 2010eko maiatzetik 2011eko maiatza bitarte.

Atzerriko kapitalaren pisua Euskal Herrian

Thu, 14 Apr 2011 15:03:13 +0200

Atzerriko kapitala erakarri eta mantentzeko ahaleginetan Euskal Herriak geroz eta lehiakide gehiago ditu. Egindako inbertsioak eta sorturiko lanpostuak mantentzea eta hauek areagotzea litzateke erronka, une batetik bestera, atzerriko inbertsiogileek erabakiz aldatu dezaketelako eta tokiko egoera menpeko bihurtu. Irakurri BERRIA egunkarian, 2011/04/10, gaiaren inguruan argitaratutako erreportajea.

Lurraldeen arteko parekidetasuna berrikuntzan

Thu, 14 Apr 2011 12:49:20 +0200

Berrikuntzako benchmarking-a aztertu dute Araba, Bizkai eta Gipuzkoarako Lehiakortasunerako Euskal Institutuan, Orkestran. Horretarako, Europako Batasuneko erregioei erreparatu diete. Nabarmentzekoa da, egileen ustez, euskal lurraldeak testuinguru antzekoa duten beste batzuekin alderatu behar direla (Alemania, Austria eta Italiako hainbat lurralde), eta ez, esaterako, berrikuntzan zein beste alor batzuetan indize positiboagoak dituztenekin (Ile-de-France edota Inner London). Indicadores de Innovación y Benchmarking. Reflexión y propuesta para el País Vasco lanak proposamen landua jasotzen du gaiaren inguruan. Irakurri Mikel Navarro, Orkestrako Ikertzaileak eta laneko egileetako batek idatzitako iritzi artikulua BERRIAn, 2011/04/10.

Euskal enpresen erronkak eta bideragarritasun aukerak

Mon, 11 Apr 2011 13:21:15 +0200

Euskal industriaren geroaz gogoeta eginez, Miguel Lazpiurrek, Confebask-eko Lehendakariak, bizi dugun egoera sozioekonomikoari aurre egiteko oinarrizkotzat du elkarlana eragile eta arlo desberdinetan izan, enpresen artean, instituzioetan, eragile sozioekonomikoen artean eta gizartean, orohar. Euskal enpresa arrakastatsu baten adibide da Nafarroan enpresa nagusia izanik, egoitza soziala Iruñean, eta mundu mailan 12 herrialde desberdinetan zabaldua dagoen Viscofan-ena. Haragizko produktuak ekoizten dituen enpresa da Viscofan, mundu mailan bere merkatuan lehena. Irakurri albisteak, EkaiCenter eta Diario de Noticias-en.

Baionako portuaren azterketa txosten berri batean

Wed, 30 Mar 2011 15:59:35 +0200

Euskal Portu nagusien artean, Baionako portuan %15,26 hazi zen trafiko metatua 2008-2009 urte artean, horrela kaleratzen da Iparraldeko portuaren gora beherak aztertzen dituen txosten batean. Hegoaldean, Pasaiako portuan eta Bilbokoan %26,62 eta %16 murriztu zen trafikoa epe horretan. 2009an, Pasaiako portuak 3,4 milioi tonako trafikoa izan zuen, eta Baionakoak 4,3 milioi tonatakoa. Bilboko portuan, aldiz, trafiko metatuak aurreko bi portuen kopurua erraz gainditu zuen (29 milioi tona), nahiz eta %16ko beherakada sumatu azken urtean.

Iparraldearen etorkizunaz gogoeta hainbat eragilek

Wed, 30 Mar 2011 15:22:59 +0200

Alor desberdinetako 16 eragilek Iparraldearen etorkizunaz gogoeta egingo dute zenbait gairi erreparatuz: ekonomia, kultura, hizkuntza... Eragile hauek guztiak Radio Kultura irratiak eta Kazeta.info egunkari digitalak Ipar Euskal Herria 2040: erronkak ekimenean bildu dituzte. Gogoeten jarraipena egiteko aipatu hedabideetara jo.

Hitzaldia: Globalizazioa, euskal ekonomia eta independentzia

Mon, 28 Mar 2011 11:49:23 +0200

Euskal ekonomiaz hitz egiten Independentista sareak Ideien Faktoria ekimenaren pean hitzaldi/tailer batean bildu ditu Yolanda Jubeto, Antón Borja, Joseba Barandiaran eta Oskar Arantzabal ekonomialariak. Ekitaldia, martxoaren 29an izango da, arratsaldeko 19:00etan hasita, Bilbon, Batzar Nagusietan.

Begirada kritikoa euskal ekonomiaz eta gizarteaz tokiko errealitatetik

Mon, 21 Mar 2011 13:19:34 +0100

Patxi Nobliak, enpresaria eta Iparraldeko ekonomiaren biziberritze eta sustatzaileak, tokiko errealitate sozio-ekonomikoaren azterketa egiten du, Iparraldearen eta Hegoaldearen arteko harremanetan eta karietan oinarrituz. Irakurri GARA egunkarian egindako elkarrizketa, eta aldi berean, elkarrizketari lotutako bideoa, 2011/03/20.

Euskal Hiria aldaketa ekonomiko eta sozialen baitan ere

Mon, 21 Mar 2011 12:40:51 +0100

Euskal Hiriaren kontzeptu eta izatean euskal ekonomiak, gizarteak eta lurraldetasunak pisu nabarmena dute Igor Kalzada, soziologo eta politologoaren ustez. Kalzada doktoreak bere tesia aurkeztu zuen Donostian ondorengo izenburupean: Euskal Hirirantz? Hurbilpen bat gizarte berrikuntzatik. Irakurri albistea Noticias de Gipuzkoa eta Deia egunkarietan, 2011/03/14.