Gaindegia - Gaindegia

Fiskalitatea, gastu soziala, zor subiranoa... Gaindegia Txostena badator

Fri, 03 Feb 2012 09:27:24 +0100

Gai eta eduki berriekin Gaindegia Txostena 2011 argitalpena osatu dugu. Pixkanaka, Gaindegiaren web gunean edukiak zintzilikatuko ditugu. Analisiak (internazionalizazioa, gastu sozialen murrizketa, euroaren etorkizuna, erregio deprimituen azterketa...), eztabaida foroak (zor subiranoa), prentsa dosierra, Euskal Herriko eta bere lurraldeei dagokien estatistika sozio ekonomikoen eguneratzea...

Eta, euroa lehertuko balitz zer?

Tue, 20 Dec 2011 11:15:03 +0100

Galdera erraza; erantzunak baditu bere zailtasunak. Ekonomia fikzioa dakar Joseba Barandiaran ekonomialariak bere analisian.

Oharra: Analisia GAINDEGIAk urtero kaleratzen duen Gaindegia Txosteneko edukien parte da aztergai diren beste gai batzurekin batera (www.gaindegia.org).

Euskal Herria eta Eskozia independente izateko pizgarri gehien

Wed, 21 Dec 2011 17:06:46 +0100

Ikertzaileen nazioarteko talde batek metodo berri bat sortu du, iragartzeko Europako zer herrialdek dituzten bat egiteko ala elkarrengandik bereizteko aukera gehiago. Horretarako, irizpide demografikoak eta ekonomikoak baliatu dituzte, eta, berritasun moduan, baita irizpide kultural eta genetikoak ere. Ikertzaileek egindako iragarpenetako bat da zer erregiok duten pizgarri gehiago beren egungo nazioetatik bereizteko. “Ez gara esaten ari banantzea edo bereiztea onuragarria denik erregio horientzat, baina bai Euskal Herriak eta Eskoziak dituztela, termino erlatiboetan, horretarako pizgarri gehien”. Hauek dira Espainiako Karlos III Unibertsitate Publikoko ikerketaren ondorioetako batzuk. Ikus txostena. Jada txostena gaztelaniaz zintzilikatuta

Hauteskunde emaitzak eta sozioekonomia

Mon, 05 Dec 2011 17:27:38 +0100

Hauteskunde emaitzak ustiatu eta, Gaindegiak, datuok uztartu eta alderatzeko ahaleginean, Euskal Herria aintzat hartzen duten partiduen bozken ehunekoa aldagai sozioekonomikoekin alderatu du. Aldagai horiek biztanleriaren dentsitatea, establezimenduen euskal nortasuna, jaiotze tasa, zahartze indizea, 15-29 urte arteko biztanleria eta langabezi erregistratuaren hazkundea dira. Emaitzak udalerri mailan eta herrialde mailan kontsulta daitezke. Hauteskunde emaitzak, Espainiako gorteetarako azaroaren 20koak Hegoalderako eta Frantziako legebiltzarreko 2007 hauteskunde emaitzak hartzen dituzte kontuan Iparralderako.

Euskal Herriko hauteskunde mapa udalerriz udalerri

Fri, 25 Nov 2011 16:09:16 +0100

Udalerriz udalerri azken bozetako emaitzak ikus daitezke, Espainiako Gorteetarakoak Hego Euskal Herriko kasuan eta Frantziako Legebiltzarrerakoak Ipar Euskal Herrikoan www.eh-hauteskunde-emaitzak.net helbidean. Gaindegiak eta Berria egunkariak elkarlanean kaleratutako argitalpena.

Erronka sozioekonomikoez Bergaran, Irizar Jauregian, 19:00etan hasita

Wed, 28 Sep 2011 11:11:19 +0200

Izenburu bera duen elkarrizketa liburua oinarri hartuz, Imanol Esnaolak hitzaldia eskainiko du gaur arratsaldean Bergaran. Liburuan, Euskal Herriko 13 eragile sozioekonomikok iritzia ematen dute alor desberdinen inguruan (laborantza, industria, hezkuntza, demografia, kultura, azpiegiturak...). Ikus liburua.

Administrazioen arteko lankidetzan ekintza egituratu gehiago sustatu behar da

Wed, 28 Sep 2011 10:53:29 +0200

Euskal Herriko administrazioen arteko lankidetza ekonomia eta gizartearen garapenean izeneko mahai inguruan Markel Olano (EAJ/PNV), Patxi Zabaleta (Aralar), Juan Carlos Alduntzin (Bildu) eta Hur Gorostiagak (Garapen Kontseilua) luze eta zabal eztabaidatu zuten lurralde desberdinen arteko kohesioa sustatzeko beharrezko ahaleginetaz, nahikeriez haratago. Ikus mahai ingurua osorik.

Euskal esparru komunikatiboa

Fri, 02 Sep 2011 08:26:07 +0200

Erreferentzia bertsuak izango dituen euskal esparru komunikatiboa finkatu eta aurrera eraman behar denaren uste irmoa du Jose Luis Aizpuruk, Euskal Irratietako Erredaktore buruak. Iparraldeko zein Hegoaldeko hedabideek eremu informatibo bat sortu beharko lukete eta pedagogia lanak bere gain hartu alde bietako errealitateak ulergarri eta interesgarri izan daitezen alde bietako ikus-entzuleentzat. Ikus Jose Luis Aizpururen irudiak Gaindegiaren Kanalean.

Zazpiak Eraiki, euskal enpresen sarea

Thu, 01 Sep 2011 08:54:39 +0200

Iparraldeko industriako eragileak sortu bidean dira euskal enpresak lotzen dituen sare txiki bat. Enpresa hauek oinarritzen dituen elementua hizkuntza bera da, bilera guztiak euskara hutsean egiten baitira. Ekimen sortu berri honen lehenengo pausua Maulen izan zen eta aurrerago finkatzeke daude hitzordu berriak. Ikusi Michel Etchebest-ren irudiak Gaindegiako Kanalean.

Lan harremanetarako euskal esparru sozio-ekonomikoa

Wed, 31 Aug 2011 12:44:06 +0200

Iparraldeko LABen arabera, lan harremanetarako euskal esparru sozio-ekonomikoa eraiki beharko litzateke Iparralden. Honen helburua baldintzak sortzea da Iparralden izateko egitura sozio-ekonomiko berezi bat, Kontseilu Ekonomiko baten betekizuna izango duena baina, kontsultiboa izateaz gain erabakitzailea izango dena. Mahai beraren inguruan aktore guztiak biltzeko egokiera eskainiko duena, Iparraldeko zein Hegoaldeko. Ikus Amaia Fontang-en bideoa Gaindegiaren Kanalean.

Ze merkatu lukete Iparraldeko laborantza produktuek Hegoaldean?

Wed, 31 Aug 2011 08:34:18 +0200

Iparraldeko nekazaritza moldeak eredu izan daitezkeela konturatuak dira Hegoaldeko baserritarrak baina Iparraldekoen zalantza da ia euren produktuek biderik izango ote zuten mugaz bestalde, izan ere, merkatua eta eros ahalmena bai baitago. Mixel Berhokoirigoin, EHLGtik laborari eta baserritarren elkar ezagutzan sakondu eta hainbat ekimen aurrera eramaten lanean jarraituko dutela adierazi du. Ikus Mixel Berhokoirigoin Gaindegiaren Kanalean.

Iparraldeko eta Hegoaldeko unibertsitateetan kontzientziazio falta

Tue, 30 Aug 2011 15:41:17 +0200

Iparralde zein Hegoaldeko unibertsitateen lankidetzarako bidean Jean Michel Larrasquet, ESTIA ingeniari eskolako irakasleak dioenez, erronkak nahikeria eta kontzientziazio faltan daude. Iparraldeko unibertsitateen administrazioren gehiengoa kanpoan ematen da eta irakasleak ere ez dira bertakoak eta Iparraldearen gaineko eta batez ere Hegoaldearen gaineko ezezagutza nabaria da. Lankidetzari begira, irakaslearen hitzetan, Hegoaldeko unibertsitateek ez dute ahalegin handirik egiten Iparraldean dutena eskaintzeko beraien ikasleei. Ikus Jean Michel Larrasquet Gaindegiaren Kanalean.

Peio Olhagaray "Iparralde bada merkatu"

Tue, 30 Aug 2011 10:13:51 +0200

Hegoaldeko hiru enpresatik batek ez du ezagutzen zer den Iparralde. Hirutik batek esaten du hizkuntza traba biziki handia dela komunikazio ardatza ingelesa izanik sarritan eta Hegoaldeko enpresentzat Iparralde ez da merkatu. Bihartean Ganbera Arteko Lankidetzak Iparralde zein Hegoaldeko 1469 enpresei egindako ikerketatik eratorritako hiru ondorio nagusiak dira aurrekoak. Peio Olhagarayk, Bihartean-etik, helburu jakinak dituztela argi du: Gipuzkoako eta Iparraldeko ekonomia arloan lan egitea, Iparraldeko errealitatea aintzat izatea lankideek eta elkarrekin joatea kanpora hemengo eskaintza garatzera. Ikus Peio Olhagaray-ren esanak Gaindegiaren kanalean.

Lankidetza beharra behar komunentzat

Fri, 26 Aug 2011 13:04:10 +0200

Enpresa, industria, laborantza, sindikalgintza eta behar sozialak, hezkuntza eta formazioa eta hedabideak eta euskal kultura. Sei ardatz nagusi hauek izan ziren aztergai, Baionan, gaian engaiatutako Iparraldeko 6 eragile sozio-ekonomikok bertako errealitatea abiapuntu izanda Hegoaldearekin lankidetzan behar komunak bideratzeko proposamenak aztertu zituzten, beharrak eta erronkak identifikatuz. Honats, hitzaldiaren aurrerapen bat, gaiari sarrera eginez. Bideo gehiago, Gaindegiaren kanalean.

2010eko memoria ekonomiko eta sozialak

Thu, 21 Jul 2011 10:16:33 +0200

Egunotan kaleratu berri dira kutxa, banku eta instituzio desberdinetako txosten eta memoria sozioekonomikoak. Gaindegiak, 4.enez, Gaindegia Txostena 2010 kaleratu berri du, Euskadiko Kutxak, berriz, 2010eko Euskal Ekonomiari Buruzko Txostena, Euskadiko Ekonomia eta Gizarte Arazoetako Batzordeak 2010eko memoria argitaratu du, BBVAk BBVA Research, Araba, Bizkai eta Gipuzkoarako azterketa egin du. Orkestrak, Lehiakortasunerako Euskal Institutuak, sei urte ostean Lehiakortasuneko 2011eko Txostena kaleratu du.