Gaindegia Txostena 2007: Hitzaurrea
Koldo Saratxagak, Irizar-eko zuzendari ohiak eta enpresa kudeaketarako aholkulariak, 2007ak ekonomian utzi duena aztertu eta etorriko denaren zantzu batzuk ematen ditu.
Hona hemen zati bat:
|
"... Etorkizunera begira, politikariek horrelakorik egiteko asmorik ez dutela dirudien arren, gure herriak kontu handiz zaindu beharreko bi arazo dauzkagu; bi aukera, beraz: hezkuntza eta immigrazioa.
Ezin dugu Europan ezeren erreferentzia izateko asmotan ibili, duela hamarkada luzeetatik hezkuntza-ereduan gure aurretik dabiltzan Finlandia, Suedia eta halako herriekin lehiatuta.
Bestalde, etorkinekin ezin ditugu inguruko herriek egin dituzten akats berdinak egin.
Euskal Herrian, bere gaitasun propioak sortu behar dituen herri txiki honetan, arazo larria daukagu biztanleriaren zahartzearekin. Gaur egun zailtasun handiak dauzkagu jarduera askotan ondo prestatutako langileak aurkitzeko. Datozen urteotan are larriagoa izango da arazo hori, eta erakunde publikoek behar dituzten milaka eta milaka ordezkapen egin beharko ditugu.
Horrenbestez, oraingo eta etorkizuneko beharrei erantzuten dieten hezkuntza-ereduak sortu behar ditugu etorkizunari aurre egiteko, eta etorkinen integrazioa bultzatu behar dugu, gure beharren arabera." |
Testua irakurtzen jarraitzeko ikus pdf-a.
247 irakurketa
|
