|
Euskal Herriko ekonomiaren nondik
norakoak ikertzean beti agertzen da
zailtasun bat: lurraldea hainbat administraziotan
banatuta dagoenez, datu
bateratuak eskuratzea gaitza izaten
da. Lapurdi, Zuberoa eta Nafarroa Beherearen
kasuan bereziki ageri da zailtasun
hori, hiru lurraldeok administrazio
propiorik izan ez, eta estatistika
Frantziako Estatuan zentralizatuta
egonda, are nekezagoa egiten baita euren
berri zehatz eta berezitua lortzea.
Gabezia horri aurre egiten laguntzen
du Baionako Merkataritza eta Industria
Ganberaren lan honek. Ez da zehaztasun osoko ikerketa, baina
lurralde horietako ekonomiaren
argazki orokorra egiten
du, tendentzia nagusietan
oinarrituta.Ekonomia
horren ahulezia eta erronka
nagusiak ere zehazten ditu,
etorkizunera begirako estrategia
eta erronken azterketan
lagungarri.
Herri elkargoen perimetroak
hartu ditu erreferentziatzat
Baionako Merkataritza
eta Industria Ganberak
azterketa egitean. Baina herri
elkargo horien perimetroa apur bat moldatu du, jarduera ekonomikoaren
arabera. |
|
Honela banatu du aztertutako eremua:
CABAB gunea, (Baiona, Angelu, Biarritz, Bidarte eta Bokalek osaturikoa),
Aturri-Errobi, Bidaxune, Hazparne, Iholdi, Amikuze,
Zuberoa, Garazi-Baigorri, Iparraldearen hegoaldea, eta Errobi.
Ikerketak egiteko, berriz, hiru datu base erabili ditu: batetik,
INSEEren 2004ko SIRENE datu basea, bestetik INSEEren
2004ko ICS datu basea, eta hirugarrenik, Baionako Ganberaren
beraren 2004 Sozietate eta Merkatarien Erregistroa (RCS). Sektoreak
banaka aztertzean, beste iturri batzuk ere erabiltzen ditu,
besteak beste Frantziar Estatuko, Akitania erregioko eta Iparraldeko
UNEDIC estatistika datuak, Akitaniako Merkataritza eta
Industria Ganberarenak, eta Turismoko Batzorde Departamentalarenak.
Hiru zatitan banatuta dago argitalpena: aurrenekoan, aztertutako
lurralde eremua zehazten du, eta bere ezaugarri sozioekonomiko
orokorrak azaltzen ditu. Bigarren zatian, lurralde horietako
ekonomiaren azterketa orokorra egiten du, eta azkenik,
hirugarrenean, sektore bakoitza zehaztasunez aztertzen du.
Honako argazki orokor hau atera dio ikerketak Iparraldeko
ekonomiari.
Unitate ekonomiko gehienak lurraldearen
% 10ean kontzentratuta
daude, kostaldean.
Sektoreak kontuan hartuta, hirugarren
sektorea da nagusi (enpresen
% 63), lehen sektorea bigarrena
da, (enpresen % 22), eta bigarren
sektoreak du pisu eskasena (enpresen
% 15).
Aktibitatea kontuan hartua, nekazaritza
eta arrantzarena da nagusia
(% 22), txikizkako salmenta
eta konponketena da bigarrena
(% 11,3), osasuna eta gizarte ekintzarena da hirugarrena
(% 10,5), eta eraikuntza da laugarrena (% 8,7). Aktibitatea
oso kontzentratuta dago, eta nabarmena da industria jardueraren
eskasia. Ikerketak eta garapenak oso indar gutxi dute.
Enpresa txikietan oinarritutako ekonomia da. Enpresen
%56,7k ez dute soldatapeko langilerik, mikroenpresak % 91 dira,
eta enpresa handiak oso gutxi dira (26.400 enpresatatik 83 bakarrik).
Barnealdean ugariagoak dira enpresa txikiak kostaldean
baino.
2000. urtetik 2004. urtera bitartean enpresa berrien sorrera
ugaritzen joan da. Euretako % 56k bost urteko biziraupena
dute. Enpresaburuen adinari dagokionez, Frantziako Estatuko
bataz bestekoa baino gazteagoak dira Iparraldeko enpresariak.
50 langiletik gorako 125 enpresetan 15.500 langilek egiten dute
lan. Hamabi enpresa euren merkatuko lider dira. Atzerriko enpresa
kapitaldunak oso gutxi direnez, finantza autonomia handia
dute bertako enpresek.
Ipar Euskal Herriko enpresek erabakitzeko duten ahalmena
handia da. % 86tik gora dira euren egoitza soziala bertan dutenak. |
|
Pdf-an GAINDEGIA TXOSTENA 2008ko edukia.
|
Irakurri beste azterketak.
Menu orokorrera itzuli.
| Txostena | Tamaina |
|---|---|
| GT08_Azterlanak_IparraldearenArgazkia.pdf | 388.8 KB |
438 irakurketa
