Atal honetan Euskal Herriko ekonomia eta gizarteari neurria ipintzen laguntzen diguten zifra hautatuak aurkituko dituzu.
%34
1995-2007 urtea artean Araba, Bizkai eta Gipuzkoa izan
dira Nafarroa Garaiko ekonomiaren hornitzaile eta eroslerik
garrantzitsuenak. Epealdi horretan, hiru herrialdeek
%25,3ko erosketa bolumena izan zuten Nafarroa Garaian
eta %34ko salmenta bolumena. Hala ere, hiru lurraldeen
erosketa eta salmenta bolumena apaldu egin zen
2003-07 bitartean. Nafarroa Garaiko erosketa-bolumena
Araba, Bizkai eta Gipuzkoan hobetu egin zen bitartean
2005-07 artean, salmenta-bolumenek bestelako bilakaera
izan zuten.
Iturria: www.c-intereg.es.
-%22,2
2008tik 2009 urtera bitartean, Hegoaldean, industria produkzioaren
indizea %22,2 jaitsi zen Nafarroa Garaian,
eta %20,9 Araban, Bizkaian eta Gipuzkoan. Industria-jarduera
antzera apaldu da Hegoalde osoan, baina, datuok
2008ko abenduarekin alderatzen baditugu, hileko indizea
alderatuz, 2009ko abenduan %14,5 igo zen ekoizpena
Nafarroa Garaian, eta %2,7 jaitsi zen, berriz, Araban,
Bizkaian eta Gipuzkoan.
Iturria: EUSTAT,INE.
%23,17
2008. urtean, Japoniakoarenantzera, enpresa-inbertsioa BPGren
%23,17koa izan zen Euskal Herrian. 2000. urtetik aurrera, %2,53
jaitsi da enpresa-inbertsioa Euskal Herrian. EBk ere beherantz
egin du 2000-08epealdian: 2008an inbertsioa BPGrekiko %21,09
izan zen. AEBn, %18,47ko inbertsioa egin zuten.
Iturria: EUROSTAT.
80
2009an, Euskal Herrian 80 langile hil ziren lan istripuz. Hiru urteren
buruan, lan istripuan hildakoen kopurua jaisten joan da. 2007-
2008 urte artean, %10,4 hildako gutxiago izan ziren Euskal Herrian:
125etik 112ra jaitsi zen kopurua. 2008tik 2009ra, berriz, %28,6
egin zuen behera lan istripuan hildako langileen kopuruak Euskal
Herrian (112tik 80ra).
Iturria: LAB sindikatua.
%125
Euskal banku, kutxa eta kreditu-kooperatiben artean,
BANKOAk jaso du estaldura-berankortasun tasarik altuena:
%125eko estaldura eta %1,59 berankortasun-tasa apala lortu
du. Ondoren, IPAR KUTXA dago: 2009ko irailari begira, %102ko
berankortasun-estaldura tasa eta %2,24ko berankortasun-indizea
lortu zuen. Estaldurari dagokionez, gainerako erakundeak
%60-95 artean kokatzen dira, eta berankortasun-indizea,
berriz, %2,5-%4 artean.
Iturria: Kreditu erakundeak, CECA-k eta AEB-k argitaratutako datuak.
%1,79
2008an, BPGren %1,79 izan zen I+Gko gastua Euskal Herrian. Europan
2010erako ezarritako %3ko helburutik urrun dago kopuru hori,
nahiz eta, 10 urteko epean, gastua %0,95etik %1,79ra igo den Euskal
Herrian. EB-27ren batez bestekotik (%1,9) gertu baldin badabil
ere, artean oso urrun dago beste herrialde batzuetatik: %3,72 ra iritsi
da Finlandian, %3,78 Japonian, eta %2,62 AEBn.
Iturria: EUROSTAT
%28,78
Iparraldean, bigarren etxebizitzek hazkunde
bikoitza izan dute 1999-2006 urte artean
etxebizitza nagusien aldean. Etxebizitza
nagusien kopurua %12,2 hazi da; aitzitik,
bigarren etxebizitzak %28,78 igo dira.
Gainera, etxebizitza hutsen kopurua
%26,27 jaitsi da zazpi urte horietan.
Iturria: Ipar Euskal Herriko argazki sozio-demografikoa
txostena, Gaindegia.
%8,65
Euskal Herriak %8,65eko langabezia
tasarekin amaitu zuen 2009. urtea
(EUSTATen datuak erreferentziatzat
harturik). 2008. urtean baino %4,01
langabetu gehiago izan ziren. Hala
ere, eta, atzeraldi ekonomikoa tarteko,
egoera orain hamar urte baino
positiboagoa da, langabezia tasa
%13,77koa baitzen 1999an.
Iturria: EUSTAT, INE, INSEE.
%15,4
Euskal Portu nagusien artean, Baionako
portuan %15,4 hazi zen trafiko metatua
2008-2009 urte artean. Hegoaldean, Pasaiako
portuan eta Bilbokoan %26,62 eta
%16 murriztu zen trafikoa epe horretan.
2009an, Pasaiako portuak 3,4 milioi tonako
trafikoa izan zuen, eta Baionakoak
4,3 milioi tonatakoa. Bilboko portuan, aldiz,
trafiko metatuak aurreko bi portuen
kopurua erraz gainditu zuen (29 milioi
tona), nahiz eta %16ko beherakada sumatu
azken urtean.
Iturria: Pasaiako Portua, Bilboko Portua, Baionako
Merkataritza Ganbara.
%7,5
2004. urtetik 2008. urtera, pobrezian
murgiltzeko arrisku tasa
4,16 puntu jaitsi da; horixe diote
estatistika-institutuek. 2004. urtean,
Euskal Herrian, biztanleria
osoaren %11,66 zegoen aipatu
mugan; 2008an, berriz, %7,5. Finlandian
ere, pobrezian erortzeko
arrisku tasak puntu bat behera
egin du 4 urteko epean (%29tik
%28ra). EBn, ordea, 04-08 epealdian,
aipatu tasa igo egin da
(%16tik %17ra).
Iturria: INE, EUROSTAT.
263.876
Euskal Herrian, 263.876 enpresa zeuden
2008an, autonomoak barne. 2006tik aurrera,
17.767 enpresa berri sortu dira. 2006-
2007 epealdian, 15.967 enpresa sortu ziren,
eta, 2007-2008 epealdian, 6.421. Soilik industrian
izan da hazkunde negatiboa 07-08
urte artean, sektore horretako 89 enpresa
gutxiago baitzeuden epealdiaren amaieran..
Iturria: EUROSTAT, EUSTAT, NIE, INSEE.
%4,4
Batez beste, osasungintzan egindako gastu publikoaren inbertsioa BPGren
%4,4 izan zen 2007an Hegoaldean, Ekonomia Lankidetza eta Garapenerako
Antolakundean egindakoa baino baxuagoa (%6,5). Beraz, 2007an, Nafarroa
Garaian, biztanleko 589,7€ gutxiago inbertitu zen osasungintzan,
eta 647,7€ gutxiago, berriz, Araban, Bizkaian eta Gipuzkoan.
Iturriak: Azterketak. Hego Euskal Herriko osasun publikoaren inguruko txostena. 2010eko urtarrila.
19. zk. Manu Robles-Arangiz Fundazioa.
Jaitsi dokumentuaren pdf-a.
Aurkibidera itzuli.
| Txostena | Tamaina |
|---|---|
| GT09_URTEKO_ZIFRAK.pdf | 151.32 KB |
798 irakurketa
